Республикæйы иугонд командæ фехтованийæ йæхи цæттæ кæны Уæрæсейы чемпионатмæ

Республикæйы иугонд командæ фехтованийæ йæхи цæттæ кæны Уæрæсейы чемпионатмæ. Арæзт æрцæудзæн Цæгат Ирыстоны. Ерыстæ райдайдзысты 17 апрелы. Бæстæйы алы регионтæй, уыимæ Белорусси æмæ Казахстанæй нæм ссæудзæн 500 адæймаджы. Республикæйы кад хъахъхъæндзысты 50 спортсмены – рапиристтæ, шпажисттæ æмæ саблисттæ. Къуырийы дæргъы чемпионаты тох кæндзысты майданты 12 комплектыл. Уæ зæрдыл уын æрлæууын кæндзыстæм, турнир саразынæн рахай кодтой 5 милуан сомы. Мадзаларазджытæ - спорты министрад æмæ фехтованийæ Уæрæсейы федераци. Ныртæккæ цæуынц ерыстæм цæттæгæнæн куыстытæ.