Аэропорт «Дзæуджыхъæу» ы вокзалы фæзы таксийы лæггæдты уавæрыл дзырдтой республикæйы промышленностæ

Аэропорт «Дзæуджыхъæу»-ы вокзалы фæзы таксийы лæггæдты уавæрыл дзырдтой республикæйы промышленностæ æмæ транспорты министрады. Æмбырды архайдтой профилон куыстуæтты æмæ аэропорты минæвæрттæ æмæ амальхъом адæм. Фембæлды архайджыты ныхæстæм гæсгæ аэропорты терминалы рахизæны æрæмбырд вæййынц таксийы кусджытæ. Уыдон сæ лæггæдтæн скæнынц стыр аргъ. Уыимæ ма сæ хæдтулгæтæ хъæугæ домæнтæн дзуапп нæ фæдæттынц. Изæрыгон хицæн адæймæгтæ аэропортæй Дзæуджыхъæумæ бæлццоны сласынæн фæкурынц 800 сомы. Республикæйы промышленность æмæ транспорты министр Хайдарбек Бутовы ныхæстæм гæсгæ уый бæрзонд аргъ у. Дæнцæгæн æрхаста Мæскуыйы æргътæ. Уым аэропортШерементьевойæ Мæскуйы центрмæ таксийы аргъ умин сомы. Ныртæккæ республикæйы аэропорты закъонмæ гæсгæ кусы иу таксийы фирмæ. Фæлæ йæ разамонæджы ныхæстæм гæсгæ хицæн адæймæгты куысты тыххæй таксийы кустуат пайдайæн нæ кусы. Республикæйы промышленность æмæ транспорты министр куыд бафиппайдта, афтмæй сæйраг нысан у такситы куст фæткмæ гæсгæ скæнын. Фæлæ хицæн адæймæгтæй ацы лæггæдты чи архайы уыдоны дæр æнæ куыстæй маныууадзын. Уыдонæн бар ратдзысты закъонмæ гæсгæ кусын, уыимæ ма ног хæдтулгæтыл. Хайдарбек Бутов, РЦИ-Аланийы промышленность æмæ транспорты министр: «Мах ныртæккæ ацы хъуыддагмæ лæмбынæг кæсæм. Таксийы куыст чи кæны, уыдоны аиуварс кæнын ныртæккæ ппæты æнцондæр хъуылдаг у, фæлæ сын самал кæнын хъæуы куысты бынæттæ. Фæнд кæнæм ног такийы куст кæнæн куыстуат байгом кæнын. Уый кусдзæн закъонмæ гæсгæ». Кристина Горбунова, «Новопорт рейдинг»-ы филиалы директор: «Ныртæккæ аэропорт самал кодта видеоцæстарды системæ. Уый нысан кæндзæн аэропорты æрлæууæнты закъон чи хала уыдоны. Мадзалы сæйраг нысан- хæдтулгæты вокзалы фæзмæ ма уадзын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv