Цæгат Ирыстон бацархайдзæн егъау Æппæтадæмон акцийы онлайн хуызы

Цæгат Ирыстон архайдзæн «Стыр этнографион диктант»-ы. Акци райдайдзæн абон æмæ ахæсдзæн 7-æм ноябры онг. Онлайн-хуызы мадзал конд цӕуы Адӕмон иудзинады бӕрӕгбонмӕ. Диктант ныффыссыны бар ис алкӕмæн дæр. Йӕ сӕйраг нысан - ӕппӕт адӕмыхӕттыты ʾхсӕн иудзинад парахат кӕнын. Фыццаг хатт фæлварæн сарæзтой 2016 азы. Арæзт вæййы æрвылаз. Сæ зонындзинæдтæ дзы равдисынц Уæрæсейы 85 регионы минæвæрттæ, суанг ма фæсарæнты дæр. Диктанты уыдзæн 30 хæслæвæрды. Уыдонæй 10 фарсты сты, фæлварæн цы субъекты цæуы, уыцы регионимæ баст. Фæлварæн ныффыссынæн лæвæрд цæуы 45 минуты. Æппæты фылдæр балл хæццæ кæны сæдæйы онг. Диктант у æппæтуæрæсеон æмæ бæрæг кæны нæ бæстæйы цæрæг адæмты культурæйы зонындзинæдтæ. Мадзалы бацархайынмæ бацæуын хъæуы официалон сайт www.miretno.ru-мæ æмæ уым тесты фӕрстытӕн дзуӕппытӕ раттын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv