17 нымæцон æмæ гуманитарон профилы байгом сты нæ республикæйы скъолаты

Ахуырады къабазы ног æмвæзад. «Точка роста», зæгъгæ, 17 нымæцон æмæ гуманитарон профилы байгом сты нæ республикæйы скъолаты. Центртæ ифтонггонд сты нырыккон домæнтæн дзуапп чи дæтты, ахæм гæрзтæй: компьютертæ, 3D-принтертæ, квадрокоптертæ, робототехникæ æмæ æндæртæй. Скъоладзаутæн ма уыдзæн шахмæттæй хъазыны фадат æмæ царды æдасдзинады бындурон зонындзинæдтæ ахуыр кæнын.  Уый фæрцы скъолаты фæзындзысты нырыккон технологитæ.  «Точки роста» зæгъгæ центр арæзт у федералон проект «Современная школа»-йы фæлгæты. Уый тыххæй федералон бюджетæй рахай кодтой 26 милуан сомы. Фæнысан кæндзыстæм уый, æмæ ацы хъуыддаг къухы бафтдзæн нæ республикæйы ахуырад æмæ наукæйы министрады курдиаты фæрцы. Афтæ ма 2020 азы 42 скъолайы фæзындзысты нымæцон æмæ гуманитарон профилты центртæ, 2021 азы та 72 ахуырадон организацийы. «Ацы аз нæ республикæйы фæзындзæн 17 «Точка ростайы». Иу дзы ныртæккæ бабæрæг кодтам. Ис Хуымæллæджы. Ацы центрæн радих кодтой бæстыхай. Ныфс нæ ис ацы хъуыддаг хъуы скъоладзауты цардыл хуыздæры рдæм кæй фæзындзæн. Центры руаджы базондзысты нырыккон дæсныйæдты сусæгдзинæдтæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv