Фидæны азмæ муниципалон проекттæм кæсын райдыдтой цæгат ирыстоны хицауады уæнгтæ

Фидæны азмæ муниципалон проекттæм кæсын райдыдтой Цæгат Ирыстоны хицауады уæнгтæ. Дзанайты Барис районтæн бабар кодта æфтиæгты хай фæфылдæр кæнын. Алы муниципалитеты сæргълæууæг дæр радзырдта сæйраг финансон документ цæттæ кæнæн мадзæлтты тыххæй. Дзуапдæттæг министр Исахъты Олег куыд фæнысан кодта, афтæмæй хъуамæ алы районы дæр проект нысан кæнгæйæ ведомствойы амынддзинæдтæ хынца. Дзанайты Барис зæрдыл æрлæууын кодта, муниципалон скондтæ бюджет куыд раст снысан кæной, уымæй аразгæ уыдзæн районты рæзт. Хицауады сæрдар разамонджыты æргом аздæхта, цæмæй æппæт социалон фарстатæ дæр иуварс кæной, уыимæ ма хи æфтиæгты рæзтыл дæр кусой.