Сыгъдæг æмæ хæрзхъæд

Нæ республикæйы алы район дæр сæрыстыр цæмæй уа, уый дзы разындзæн. Зæгъгæм, Æрæфы районы Цыколайы æхсыры хæдзарад Бабочиты бинонтæ кæд дзæвгар рæстæг нæма дарынц, уæддæр сæ куысты æнтыстдзинæдтæ бирæ ис. Альбинæ йæ куыстыл æнувыд кæй у, ууыл адæм дызæрдыг нæ кæнынц. Йæ кусгæ бон райдайы райсомы 5 сахатыл. 2011 азы хъуыды дæр нæ кодта, йæ хæдзарад ныридæгæн афтæ кæй апарахат уыдзæн, ууыл. Кæд райдианы æдæппæтæй сæ фосдарæны 7 стуры йеддæмæ нæ уыд, уæд абон сæ куыстуат у бæлиццаг. Архайдтой паддзахадон программæйы æмæ сын уый хорз ахъаз фæци. 2015 азæй фæстæмæ сæ фос дзæвгар фæфылдæр сты. Хæрзмыггаг стуртæ балхæнынæй дарддæр ма сæм хъæуы зилын æмæ сæ хъæугæ домæнтæм гæсгæ дарын. Сæххæст æй кодтой. Ныр нæ республикæйы дуканиты тæрхæджытæм Бабочиты бинонтæ ласынц æхсыр, цыхты 3 хуызы, къæдор, æхсырысæртæ, нæлхæ. Сæ фæндтæ бирæ сты, фæлæ се `ппæт сæххæст кæнын къухы нæма `фты. Сæ зæрдæ дарынц, тагъд рæстæг сæ авнвлæнтæ кæй фæрогдæр уыдзысты. БАбочиты куыстуат иу бонмæ бакусы æхсыры 2 тоннæйы. Сæ куыст аразынц рагацауы курдиæттæм гæсгæ. Кæм фылдæр вæййынц, кæм та - къаддæр. Фæлæ сæм дуканиты тæрхæджытæм адæм алы хатт дæр фæлæууынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv