Намысы аккаг

Республикæйы æххæстбарджын минæварады Намысы майдантæ саккаг кодтой Игумен Георгийæн, Кокойты Хъазыбегæн æмæ Гуытъиаты Аузбийæн. Ахæм хорзæх сын ракодтой, бирæ азты æнтысджынæй кæй кусынц, уый тыххæй. Майдантæ сын Цæгат Ирыстоны сæргълæууæджы хъæппæрисæй радта республикæйы æххæстбарджын минæвар Уæрæсейы президенты цур - Дзанайты Барис. Кадджын мадзалы архайдтой Мæскуыйы ирон æхсæнады сæрдар Уртаты Бексолтан, дины æмæ культурæйы кусджытæ, стæй амалхъом адæймæгтæ. Дзанайты Барис куыд загъта, афтæмæй майдантæ сты кадджын. Кæмæн сæ саккаг кодта, уыдон та йæ ныхæстæм гæсгæ ахæм хорзæхы аккаг рагæй сты. Хæрзиуджытæ чи райста, уыдон загътой бузныджы ныхæстæ æмæ дзырд радтой, дарддæр дæр Ирыстоны кадæн кæй кусдзысты, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv