Сывæллæтты æмæ фæсивæдон туризм æмæ экскурситы республикон центры бакуыстой «Нарты хъæзтытæ», зæгъгæ, зонадон-ирхæфсæн проектыл. Ногдзинæдтæй иу - стъолыл хъазт «Нарты фæндæгтæ». Йæ аразджыты ныхæстæм гæсгæ, фæцæудзæн куыд хистæрты, афтæ кæстæрты зæрдæмæ дæр. Хъазты ис равзарæн Нарты кадджыты хъайтартæй иуы - Батраз, Сослан, Ацæмæз кæнæ Уырызмæг. Афтæмæй, хъуамæ фыццаг бахæццæ уай Нарты фæткъуымæ. Проект арæзт у Нартиадæйы афæдзы фæлгæты.