Битарты Вячеслав фембæлд Тедеты Русланимæ

47 зæххы хайы ацы радтой бирæ сывæллæтæ цы биноноты хъомыл кæнынц, уыдонæн. Уый тыххæй Цæгат Ирыстоны сæргълæууæг Битарты Вячеславæн фехъусын кодта Паддзахадон исбонад æмæ зæххы ахастдзинæдты министр Тедеты Руслан. Йæ ныхæстæм гæсгæ, ноджы 200 зæххы хайæ фылдæр раддзысты бирæсывæллонджын бинонтæн Дзуарыхъæу æмæ Джызæлы. Тедеты Руслан ма куыд радзырдта, афтæмæй республикæйы хъæутæн рахай кодтой лæвар фос хизынæн фæзтæ, сæ иумæйаг фæзуат 313 гектары. Зæххытæ сты Красногоры, Фарны хъæуы, Дзуарыхъæуы, Уæллаг æмæ Дæллаг Санибайы. Ацы аз исбонады бадзырдтæ бафыстой 200 объектæн. Се`хсæн сидзæр сывæллæтæн цæрæн бынæттæ, культурон нысаниуæг кæмæн ис, ахæм цыртдзæвæнтæ, завод «Электроцинк»-ы бæстыхæйттæ æмæ ма фæндæгтæ дæр. Паддзахадон исбонадмæ бахауд Цæгат Кавказы раздæры æфсæддон институты косплекс дæр. Профилон министрады разаомнæг ма куыд фæбæрæг кодта, афтæмæй 2019 азы республикæйы бюджет хаццоны фиддонтæй фæфылдæр 32 милуан сомы бæрц. Битарты Вячеслав бахæс кодта министрадæн, республикæйы бæрны цы зæххы æвæрæнтæ æмæ исбонад ис, уыдон регионалон экономикæйы рæзтыл фылдæр куыд ахадой, афтæ кусын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv