Цæгат Ирыстоны пъæлицæйæгтæ рабæрæг кодтой, наркотиктæ чи уæй кодта, ахæм закъонхалджыты

Цæгат Ирыстоны пъæлицæйæгтæ рабæрæг кодтой, наркотиктæ чи уæй кодта, ахæм закъонхалджыты. Бæлвырддæр та фыдгæнджытæм ссардтой героины 140 дозæйæ фылдæр. Астæуккаг Азийæ ссæуæг наркокурьертæ сæ куыст арæзтой сæрмагонд уæлæфтуаны фæрцы. Эксперттæ куыд сбæрæг кодтой, афтæмæй хæдбар паддзахадты æмхæларады цæрджытæй иу наркотиктæ ласта Цæгат Ирыстонмæ. Йæ цæдисон сыгоймаг та сæ иу дих кодта тыхтонтыл æмæ сæ иу мбæхста бæрæг бынæтты, цæмæй сæ уырдыгæй уый фæстæ райсой, чи сæ æлхæнынц, уыдон. Фыдгæнджыты ныхмæ байгом кодтой уголовон хъуыддаг, уголовон кодексы 228-æм уац «Æнæзакъонæй наркотикон буаргъæттæ парахат кæныны тыххæй». Слестгæнджытæ дарддæр сæ куыст кæнынц. Зæгъын хъæуы уый æмæ наркотиктæ парахат кæнын ма руадзыны тыххæй республикæйы барадхъахъхъæнæг структурæтæ алыхуызон акцитæ кæй фæаразынц уый, уыимæ æдзухдæр кæнынц профилактикон куыст. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv