ЦИПМА йы цæуы офтальмологоты æрвылазон конференци

Цæгат Ирыстоны паддзахадон медицинон академийы цæуы офтальмологты æрвылазон наукон-практикон конференци. Цæгат Кавказы 5-æм конференцийы сæйраг хæс у цæстыты низтæ дзæбæхгæнын ног методикæтæм лæмбынæг дæр æркæсын. Мадзалмæ Цæгат Ирыстоны офтальмологты æхсæнады разамонæджы хъæппæрисæй æрбахуыдтой цæгат Кавказы хуыздæр специалистты. Æдæппæтæй 200 делегатæй фылдæр. Сæ фæлтæрдзинад кæрæдзийæн нæ бавгъау кæндзысты. Уæлдай æргом аздахдзысты глаукомæйы низы ныхмæ мадзæлттæм. Куыд ис адæмы рагагъоммæ цæстыты низæтæй бахизын, æмæ диагностикæйы цавæр ног методтæ ис уый тыххæй конференцийы уыдзæн сæрмагонд ныхас. Республикæйы сæргълæууæджы номæй уазджытæн арфæйы ныхæстæ загъта республикæйы æнæниздзинад хъахъхъæныны министр Годжыцаты Тамерлан. Годжыцаты Тамерлан, РЦИ-Аланийы æнæниздзинад хъахъхъæныны министр: «Ацы конференцийæн ис стыр æмæ ахадгæ ахуырадон бындур. Цы фæндагыл хæст стæм, медицинон æххуыс афойнадыл рынчынтæ райсынц æви нæ раст къахдзæфтæ кæнæм, канд республикæйы нæ фæлæ æгас кавказы дæр, æппæт уыцы фарстатыл бæстонæй æрдзурдзыстæм. Офтальмологон службæйы куысты хæрзхъæддзинад куыд ахсджиаг республикæйы цæрджытæн, уый кæй зæгъын æй хъæуы алчидæр зоны». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv