Цæгат Ирыстоны амалхъомадæн паддзахадон æххуыс фæфылдæр уыдзæн

Цæгат Ирыстоны амалхъомадæн паддзахадон æххуыс фæфылдæр уыдзæн. Ацы азы хатдзæгтæм гæсгæ йæ бæрц сси 200 милуан сомæй фылдæр. Уый тыххæй хъусын кæны нæ республикæй экономикон рæзты министрады, амалхъом адæймæгтæн æххуыс кæныны хайады сæрдар Цæболты Отар. Йæ ныхæстæм гæсгæ, ахæм бæрæггæнæн рауад национ проекты руаджы - «Чысыл æмæ астæуккаг куыстуæттæ, бизнесæн æххуыс». Фарон азимæ абаргæйæ уый зынгæ фылдæр у. 2018 азы амалхъом адæймæгтæн баххуыс кæнынæн рахай кодтой 35 милуан сомæй фылдæр. Ацы азы кæронмæ ма Цæгат Ирыстонæн федералон бюджетæй æмбæлы 35 милуаны æмæ 700 мин сомы. Ныртæккæ нæ республикæйы цы 5 сæрмагонд проекты æххæст кæнынц, уыдонæй цыппар Экономикон рæзты министрады бæрны сты. Иу та - Хъæууон хæдзарады. Национ проект нысангонд у 2019-æй -2024-æм азмæ. Йæ фæлгæтты архайынц 5 проекты æмæ сæ хæс у амалхъом адæмæн æмбæлгæ уавæртæ саразын, чысыл æмæ астæуккаг куыстуæтты финансон авналæнтæ фæуæрæхдæр кæнын, фермерты æмæ хъæууон кооперацийы рæзтыл бакусын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv