Радхæссæг-диспетчерон службæмæ Ног азы бæрæгбæтты рæстæг æххуысмæ фæсидтысты 98 хатты

Дзæуджыхъæуы радхæссæг-диспетчерон службæмæ Ног азы бæрæгбæтты рæстæг æххуысмæ фæсидтысты 98 хатты. Уый тыххæй хъусын кæнынц профилон куыстуаты. Специалисттæ хъæугæ æххуыс бакæнынц æвирхъау æмæ æнæнхъæлæджы цауты рæстæг. Зæгъæм, зынгсирвæзтыты рæстæг, кæнæ цæрæнуæтты-коммуналон хæдзарадимæ баст æнæнхъæлæджы уавæртæ. Æрвылбон радхæссæг -диспетчерон службæ бакусы алыхуызон хъусынгæнинæгтыл. Ног азы улæфæн бонты рæстæг æрцыд 2 æвирхъау цауы. Хи хæдзары нæлгоймаг сыгъдхъæстæ фæцис. Æвæстиатæй ын хъæугæ æххуыс бакодтой. Уыимæ ма Дзæуджыхъæуы хæдзæрттæй иуы æрцыд зынгсирвæзт. Хъыгдæрд чи баййæфта, уыдоны фæхæццæ кодтой рынчындонмæ. Ныридæгæн нæ республикæйы радхæссæг-диспетчерон службæимæ æмгуыст кæны «системæ 112» кæй хонынц, уый дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv