Хæлардзинады арæнтæ

Æмæ ма раздæр цы хъусын кодтам, уый тыххæй. Уæрæсейаг туристтæн, гæнæн ис, æмæ Туркмæ ацæуыны бар уа сæхи паспортты руаджы. Ома сæ фæсарæйнаг паспорт нал хъæудзæн. Ацы хабар уайтагъд дæр сси дзырдттаг. Фарстайы фæдыл ныхас кæндзысты 28 мартъийы Анталийы, Уæрæсейы мидхъуыддæгты министр Сергей Лавров - Турчы минæвæрттимæ. Йæ сæйраг нысан у 2 бæстæйы цæрджытæн кæрæдзимæ цæуыны фадат фенцондæр кæнын. 8 апрелы Мæскуыйы, Владимир Путин æмæ Турчы президент Реджеп Тайип Эрдагон дæр ууыл æрдзурдзысты. Зæгъæм, йæ хъуыдытæ ацы фарстайы фæдыл загъта, Уæрæсейы Федерацийы Паддзахадон Думæйы физикон культурæ, спорт, туризм æмæ фæсивæдон хъуыддæгты фæдыл комитеты сæрдары хæдивæг Сергей Кривоносов. «Йæ ныхæстæм гæсгæ, ацы хъуыддаг æнæмæнгæй сæвзæрын кæндзæн уæлæмхасæн конкуренци нæ бæстæйы улæфæн бынæттæн. Фæлæ куыд зæгъы, афтæмæй уæддæр сæ бартæ æркъуырын сæ бон кæй нæу. Мах хъуамæ аразæм алцыдæр нæ цæрджытæ æнцонвадаты царды тыххæй, Хъуамæ улæфой ахæм бынæтты, сæхи кæм бафæнда, уым», - зæгъы Паддзахдон Думæйы депутат. Ацы фарстамæ се ргом аздахтой Турчы ирон диаспорæйы минæвæрттæ дæр. Абон семæ аныхас кодтам видеобастдзинады фæрцы. Сæ хъуыдытæ нын раргом кодта Хъуысаты Жале. Байхъусæм æм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv