Мæнг социалон фиддонты тыххæй информаци парахат кæнынц цæстфæлдахджытæ

Социалон фиддонты тыххæй СНИЛС-ы номырмæ гæсгæ республикæйы цæрджытæ дарддæр хъаст хæсынц Пенсион фондмæ. Фæстаг рæстæг парахат кæны иу мæнг хъусынгæнинаг.  Нысангонд дзы ис, 2019 азæй алы адæймагæн дæр йæ СНИЛС-ы номырмæ гæсгæ социалон фиддонтæ кæй æмбæлы, уый. Фæлæ, куыд рабæрæг, афтæмæй уыцы хъусынгæнинаг интернеты парахат кæнынц цæстфæлдахджытæ. Адæмы ардауынц, уыцы номырмæ гæсгæ 20 минæй- 120 мины онг кæй æмбæлы адæймагæн фиддон. Цæмæй, дам, хъæугæ фæрæзтæ райсай, уый тыххæй хъæуы регистраци ацæуын, банчи картæйы номыр фæбæрæг кæнгæйæ. Дæнцæгæн хæссынц, ныридæгæн уыцы социалон фиддонтæ чи райста, ахæм адæмы. Ахæм мæнг информаци у цæстфæлдахджыты миты хуыз. Пенсион фонды сидынц адæммæ, цæмæй уой къæрцхъусдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv