Ахуырадон уагдæттæ æнцондæрæй цæудзысты паддзахадон аккредитаци

Ахуырадмæ цæстдарды федералон службæ фенцондæр кодта ахуырадон уагдæттæн лицензитæ æмæ паддзахадон аккредитаци дæттыны фæтк. Сæ райсыны æмгъуыд фæкъаддæр кодтой 45 бонæй 5 бонмæ. Саразæн сæ ис паддзахадон лæггæдты порталы уылты. Уæдæ дзы цы æмбæлгæ гæххæттытæ бадæттын хъæуы, уыдоны номхыгъд дæр фæкъаддæр. Раздæр уыдысты 8. Ныр та организациты хъæуы æрмæст дæр курдиат бадæттын æмæ ахуырадон программæ бавдисын. Аккредитацийæн ныр æмгъуыд нал ис. Раздæр иу уæлдæр ахуыргæнæндæтты хъуыд 6 азы иу хатт ацæуын аккркдитаци, скъолаты та - 12 азы иу хатт. Арæх иу ахуыргæнæндæтты бахъуыд афæдзы æрдæг сæхи цæттæ кæнын. Афтæмæй иу сæ æрвылбоны куыст къуылымпытæ æвзæрста. Ведомствойы сæргълæууæг Музаты Анзоры ныхæстæм гæсгæ, ацы ногдзинады руаджы иу ног арæзт ахуырадон уагдæттæ лицензитæ исдзысты тынг цыбыр æмгъуыдмæ. Фарон цы скъолатæ æмæ сывæллæтты рæвдауæндæттæ байгом кодтой, уыдонæй 70% ныридæгæн бардæттæг гæххæттытæ райстой.