Куыстуат «ФАТ-АГРО»-йы бындурыл та радон хатт цæуы æппæтадæмон наукон-практикон форум
Куыстуат «ФАТ-АГРО»-йы бындурыл та радон хатт цæуы æппæтадæмон наукон-практикон форум. Ацы аз у юбилейон, дæсæм. Бабастой йӕ картофы мыггаг уадзынӕн фермерон кооперациты æмгуыстады фарстатимæ. Мадзалы архайынц 200 адæймаджы бæстæйы алы регионтæй. Зонгӕ кӕнынц картофы мыггаг йӕ асмӕ гӕсгӕ уадзынимӕ, уӕлвӕз рӕтты дзы пайда кӕнынимӕ, нырыккон хуызы йӕ ӕфснайынимӕ, ӕвзарын ӕмӕ йӕ къоппыты ӕвӕрынимӕ, стӕй ма бирӕ ӕндӕр хъуыддӕгтимӕ. Архайджытæн равдыстой бæстæйы æмæ фæсарæйнаг селекцимӕ гӕсгӕ уагъд картофы раззагдæр хуызтæ. Бӕрӕг куыд у, афтӕмӕй сӕ нырыккон фӕлхасгӕнӕг зӕрдиагӕй агуры. Форумы архайджытæ бабæрæг кодтой, хохы картоф цы бынæтты зайын кæнынц, уыдон. Программæйы фæлгæты ма уыдзæн тымбыл стъолтæ. Мадзалы сæйраг нысан – фæлтæрддзинад æмæ æнтыстдзинадæй хай кæнын. Нæ куысты гæнæнтæ парахат кæнæм. Уæрæсейы алы регионты Кооперацитимæ æмгуыстадыл архайæм. Тауинæгтæ цæттæ кæныны хъуыддаджы дæр æнтыстджыдæр къахдзæвтæ кæнæм. Афæдзы райдиан байгом кодтам селекцимæ гæсгæ картоф уадзыны центр. Нæ специалисттæ цæуынц бæстæйы алы регионтæм, æмгуыстад цы куыстуæттимæ кæнæм, уыдон бабæрæг кæнынц. Бынаты сбæрæг кæнынц, куыстытæ куыд æххæстгонд цæуынц, уый. Сæйрагдæр та продукцийы хæрзхъæддзинад. Мах æй æмбарæм, ахæм хорз уавæрты æмæ лабораторийы гæнæнтимæ нын хорз бæрæггæнӕнтæ уыдзӕн, уый. Зæрдæ сæм не 'хсайдзæн. Афæдзæй-афæдзмæ бынæттон специалистты фæлтæрддзинад бæрзонддæр кæны. Селекцион куыст дзы кæй цæуы, уый дæр раппæлинаг у. Ныртæккæ сæйрагдæр у фæсарæйнаг продукци бæстæйы уагъд картофы мыггагæй баивын. Уый фæдыл ам стыр куыст цæуы, уый бæрæг у.
Куыстуат «ФАТ-АГРО»-йы бындурыл та радон хатт цæуы æппæтадæмон наукон-практикон форум. Ацы аз у юбилейон, дæсæм. Бабастой йӕ картофы мыггаг уадзынӕн фермерон кооперациты æмгуыстады фарстатимæ. Мадзалы архайынц 200 адæймаджы бæстæйы алы регионтæй. Зонгӕ кӕнынц картофы мыггаг йӕ асмӕ гӕсгӕ уадзынимӕ, уӕлвӕз рӕтты дзы пайда кӕнынимӕ, нырыккон хуызы йӕ ӕфснайынимӕ, ӕвзарын ӕмӕ йӕ къоппыты ӕвӕрынимӕ, стӕй ма бирӕ ӕндӕр хъуыддӕгтимӕ. Архайджытæн равдыстой бæстæйы æмæ фæсарæйнаг селекцимӕ гӕсгӕ уагъд картофы раззагдæр хуызтæ. Бӕрӕг куыд у, афтӕмӕй сӕ нырыккон фӕлхасгӕнӕг зӕрдиагӕй агуры. Форумы архайджытæ бабæрæг кодтой, хохы картоф цы бынæтты зайын кæнынц, уыдон. Программæйы фæлгæты ма уыдзæн тымбыл стъолтæ. Мадзалы сæйраг нысан – фæлтæрддзинад æмæ æнтыстдзинадæй хай кæнын. Нæ куысты гæнæнтæ парахат кæнæм. Уæрæсейы алы регионты Кооперацитимæ æмгуыстадыл архайæм. Тауинæгтæ цæттæ кæныны хъуыддаджы дæр æнтыстджыдæр къахдзæвтæ кæнæм. Афæдзы райдиан байгом кодтам селекцимæ гæсгæ картоф уадзыны центр. Нæ специалисттæ цæуынц бæстæйы алы регионтæм, æмгуыстад цы куыстуæттимæ кæнæм, уыдон бабæрæг кæнынц. Бынаты сбæрæг кæнынц, куыстытæ куыд æххæстгонд цæуынц, уый. Сæйрагдæр та продукцийы хæрзхъæддзинад. Мах æй æмбарæм, ахæм хорз уавæрты æмæ лабораторийы гæнæнтимæ нын хорз бæрæггæнӕнтæ уыдзӕн, уый. Зæрдæ сæм не 'хсайдзæн. Афæдзæй-афæдзмæ бынæттон специалистты фæлтæрддзинад бæрзонддæр кæны. Селекцион куыст дзы кæй цæуы, уый дæр раппæлинаг у. Ныртæккæ сæйрагдæр у фæсарæйнаг продукци бæстæйы уагъд картофы мыггагæй баивын. Уый фæдыл ам стыр куыст цæуы, уый бæрæг у.