Куыст дæр æмæ спорт дæр

Æфсæддон пъæлицæйы кусджытæ æгас Уæрæсейæ сæ тыхтæ æвзарынц Цæгат Ирыстоны. Ахæм спартакиадæ нæ республикæйы арæзт æрцыд фыццаг хатт. Æфсæддон пъæлицæйы ахуырадон центры сæ арæхстдзинад æвдыстой стритбол, дартс, стъолыл теннис æмæ спорты æндæр хуызтæй. Ерыстæ саразыны хъæппæрис разынд Уæрæсейы æфсæддон пъæлицæйы сæйраг управленийы разамонæг Владимир Ивановскимæ. Йæ хæдивæг Виталий Кохы ныхæстæм гæсгæ, æфсæддон пъæлицæйы кусджытæн ерыстæ дæттынц хорз фадат спорты алыхуызон хуызты сæ арæхстдзинад сбæлвырд кæнынæн æмæ сæ рæстæг хъæлдзæгæй арвитынæн. Ерыстæм каст 58-æм æфсады командыгæнæджы хæдивæг æфсæддон-политикон куысты Василий Зайцев дæр. Мадзал фæуыдзæн райсом. Уæлахиздзау командæтæ райсдзысты кубоктæ æмæ зæрдылдарæн лæвæрттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv