Сывæллæтты фæлладуадзæн æмæ дзæбæгæнынæн инфраструктурæйы рацарæзтæн бæстæйы хицауад рахай кодта 1 млрд сомы бæрц. Ацы фарстамæ уæлдай æргом здахынц президент, министрты кабинет æмæ Федерацийы совет. Ацы æмæ фидæны аз æхцайы фæрæзтæ ацæудзысты æнæкапиталон объекттæ аразыныл дæр. Ахæм æххуысы мадзæлттæ регионтæ цавæр фæткмæ гæсгæ исдзысты, уый ныридæгæн нысангонд æрцыд. Сæрдыгон кампанийы райдианмæ федералон центры æххуысæй 15 регионы сарæзтой 50 ног цæрæн бæстыхайы, æмткæй райсгæйæ, 2 мин æмæ æрдæг сывæллонæн. Ноджы хæрзхъæддæр уавæртæ саразынæн æхцайы фæрæзта рахай кæныны хъуыдыйы 'вварс рахæцыд Михаил Мишустин.