Южныйы поселочы ис бирæ аиуварсгæнинаг хъуыддæгтæ

Южныйы поселочы цæрджытæн дуканимæ рацæуын у æцæг хъизæмар. Бахъæуы сæ сосæ фæндагыл цæуын. Поселочы къахвæндæгтæ нæй. Цæрджытæ куыд зæгъынц, афтæмæй дуканимæ рацæуынмæ сывæллæттыл нæ феууæндыц. Уый се `нæниздзинадæн тæссаг у. Ахæм уавæр ис поселочы сæйраг уынджы. Уыимæ ма уый иунæг къуылымпыдзинад нæу. Южныйы ма ис æндæр аиуварсгæнинаг хъуыддæгтæ дæр. Нæй дзы канализаци. Хæдзæртты чъизи дон æрымбырд вæййы иу дзыхъы. Раздæр къæвдайы рæстæг дзыхъ донæй байдзаг æмæ иу цæрджыты хæдзæрттæм бакалд. Уымæй уæлдай ма сывæллæттæ кæм хъазой, ахæм бынат сын нæй. Хъазынæн фæз дзы бæргæ ис, фæлæ дзы æнæниздзинадæн тæссаг у. Фæлæ сывæллæттæ сæхицæн ссардтой æдæр хъазæн бынат. Кæлæтдзаг хæдзæртты. Мæй размæ сæ райдыдтой халын. Фæлæ дзы дон нæ сæхгæдтой. Уымæ гæсгæ хæдзæртты бынаты равзæрд цъымара. Цæрджытæ сæ хъаст бахастой администрацимæ. Хъуыддаг аиуварс кодтой, фæлæ бæстонæй нæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv