Дзæуджыхъæуы чиныгдоны сарæзтой акци Мысæн æмæ Намысы азы номыл

Уæрæсейы 2020-æм аз снысан кодтой Мысæн æмæ Намысы азæй. 10 мин кадджын мадзал æмæ акцийæ фылдæр ацæудзысты ацы аз. Абон дæр Дзæуджыхъæуы ацыд акци, æмæ нысангонд æрцыд Фыдыбæстæйы Стыр хæсты 75 азы боны кадæн. Мысæн аз байгом кæныны тыххæй чиныгдонмæ саккаг кодтой кадджын уазджытæ: уыдысты дзы Фыдыбæстæйы Стыр хæсты ветерантæ, æрыгон æфсадгæнджытæ, студенттæ, скъоладзаутæ, суанг ма рæвдауæндæтты хъомылгæнинæгтæ. Архайджытæ бацæттæ кодтой цымыдисаг программæ. Зæгъæм, Гергиты Валерийы номыл аивæдты колледжы студенттæ акодтой æфсæддон зарджытæ, скъоладзаутæ бакастысты æмдзæвгæтæ. Ветерантæ ныхас кодтой кæстæр фæлтæримæ. Иу минут æдзæмæй алæугæйæ, ссардтой уыцы хæсты чи фæмард, уыдоны нæмттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv