Фæндаггон куыстытæ Дзæуджыхъæуы кардрæхуыстæй ахицæн сты

Фæндаггон куыстытæ Дзæуджыхъæуы кардрæхуыстæй ахицæн сты. Изæрыгон Къесайы номыл уынджы, фæндаджы зæронд уæлцъар калгæйæ, асфальтæвæрджытæм бауырдыг сты цалдæр нæлгоймаджы. Сæ ныхæстæм гæсгæ, фæндаг аразджытæ хæдзары цæрджыты хъыгдæрдтой фынæй кæнын. Бадомдтой, цæмæй сæ куыстытæ ныууадзой. Ныхас расайдта хылмæ. Хылы рæстæг иу кардæй фæцæфтæ, иннæмæн йæ цæсты бын сцъæх кодтой, æртыккагæн та йæ къах асастой. Се ’ппæты дæр æвæстиатæй балæууын кодтой рынчындоны. Фæндаггон службæты æхсæвыгон куыст дисы хъуамæ ма ’фтауа, алы ран дæр фæцæуынц. Уæлдайдæр та стыр горæтты. Уый та уымæн, цæмæй хæдтулгæты цæндтæ фæндагыл къаддæр уа. Уый руаджы адæм дæр сæ куыстмæ афойнадыл бахауынц. Дзæуджыхъæуы фæндаггон фонд ма иу-хатт сиды горæты цæрджытæм, цæмæй бабыхсой. Тагъд рæстæджы куыстытæ кæронмæ фæуыдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv