Кредитты проценттæ æмæ иварты бæрц 1,5 фылдæр нæ уыдзæн

Банкы, стæй æндæр финансон организациты цы кредиттæ æмæ хæстæ исынц, уыдоны проценттæ æмæ иварты бæрц иу æмæ рдæгæй фылдæр нæ уыдзæн. Сæ æмгъуыд 1 азмæ куыд уа, афтæ. Раздæр уыцы бæрц 2 хатты фылдæр уыди. Ногдзинад йæ тыхы бацæудзæн 2020 азы, 1 январæй фæстæмæ. Уый тыххæй хъусын кæнынц Цæгат Ирыстоны Национ Банкæй. Нысангонд нымæцмæ куы схизой, уæд проценттæ нал æфтаудзысты. Уыимæ ма, ис æндæр ивддзинæдтæ, зæгъынц Национ Банчы кусджытæ. Афтæмæй, кæйдæр хæс райсыны бар, хи бадзырд æххæсткæнгæйæ, ис æрмæстдæр Уæрæсейы Банк æмæ Тæрхондоны Пъырыфты федералон службæйы бæрны цы уагдæттæ ис, уыдонæн. Кæнæ та, хæсдарæг йæхæдæг кæй снысан кæна, ахæм сæрмагонд æхсæнадтæ æмæ хицæн адæймæгты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv