Автоинспекцийы кусджытæ скъоладзаутимæ бæрæгбоны арфæ ракодтой шофыртæн

Паддзахадон автоинспекцийы кусджытæ Дзæуджыхъæуы 26-æм скъолайы æрыгон инспектортимæ 9 майы бæрæгбоны агъоммæ арфæ ракодтой фистæгцæуджытæн æмæ шофыртæн. Акцийы архайджытæн фæсивæд балæвар кодтой Георгийы номыл лентытæ, тематикон газеттæ æмæ фæндаггон фæткы домæнтæ кæм фæнысан кодтой,ахæм пъисмотæ. Уымæй уæлдай ма æрыгон инспектортæ араст сты дендраримæ. Уым сабитимæ ныййарджытæн æмбарын кодтой сывæллæтимæ фæндагыл хи куыд дарын хъæуы, уый. Бафтаудзыстæм ма уый акци фæндзæм глобалон æдасдзинады къуырийы фæлгæты кæй сарæзтой, уый. Йæ амидингæнджытæ нациты иугонд организаци. Ахæсдзæн 12-æм маймæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv