Цæгат Ирыстоны фермерон хæдзарады райрæзтæн рахай кæндзысты 183 милуан сомы

Цæгат Ирыстоны 65 фермерон хæдзарады систы «Агростартап», зæгъгæ, гранты уæлахиздзаутæ. Уыдонæй 23 бизнес-проектыл бакусдзысты æхсыры æмæ стурвос парахат кæныны къабазы, 4 та дзидзайы куысты. Уый тыххæй хъусын кæны республикæйы хъæууон хæдзарады министры хæдивæг Кусраты Алан. Проекттæ ма ис фысдарыны, кæсаджы куыст æмæ мыдыбындзытæ дарыны къабæзты дæр. Уыимæ ма фидæны сараздзысты 9 хъæрмуаты. Дыууæ проекты та снысан кæндзысты зокъотæ зайыны куыстæн. Ног фадæтты руаджы фидæны аз къухы бафтдзæн 25 тоннæйы хсыр рауадзын. 68 тоннæйы дзидза, 19 тоннæйы мыд, 60 тоннæйы кæсаг, 500 тоннæйы та дыргътæ æмæ халсартæ. Æмткæй райсгæйæ Цæгат Ирыстоны фермерон хæдзарады райрæзтæн рахай кæндзысты 183 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv