«Ирон аив дзырды дæсны»

Уæвгæ, социалон хызæгты зынгæ сарæх сты иронау æмдзæвгæ хуыздæр бакæсыны алыхуызон æркастытæ. Уæдæ æхсызгон вæййы æнæуый дæр, йæ зæрдæйы дзæбæхæн аив ирон ныхас чи равæры йæ аккаунты, уыдоны видеоæрмæджытæм кæсын. Курдиатджын фæсивæдæй цух никуы æййæфтам, раст куы зæгъæм, уæд. Абон дæр та сывæллæтты æмæ æрыгæтты сфæлдыстады рæзты центр «Заря»-йы сарæзтой республикон æркаст «Ирон аив дзырды дæсны». Йæ амидингæнæг у республикæйы ахуырад æмæ наукæйы министрад. Мадзалы сæйраг нысан у скъоладзауты ирон литературæмæ æмхиц кæнын. Ацы аз та ма æркаст сбастой Хетæгкаты Къостайы 160 азы юбилеимæ. Архайджытæн радтой ахæм хæслæвæрд. Цы уацмыстæ кастысты, уыдон, хъуамæ, баст уыдаиккой «Къоста - нæ кад æмæ нæ намыс», зæгъгæ, темæимæ. Æдæппæтæй æркасты республикон къæпхæны архайдтой 21 скъоладзауы - 8-11 кълæсты ахуырдзаутæ, муниципалон къæпхæнты чи рамбылдта, ахæмтæ. Ацы хатт дæр та хуыздæрты сбæрæг кодтой дыууæ номинацимæ гæсгæ. Иутæ кастысты æмдзæвгæтæ, иннæттæ та прозæйы скъуыддзæгтæ. Уæллæй, дисаджы лæвар мын акодтой нæ уацхæсджытæ абон! Цæмæй йæ зыдтон, æмæ мын ме 'фсымæр эфиры рæстæг Къостайы сфæлдыстады тыххæй дзурдзæн. Уæвгæ та мæм ныртæккæ мæнæ дзурынц, иу æмдзæвгæ ма йæм кæй аазад. Цæй, нæ режиссеры фæндыл æз дæр дыууæ нал зæгъын æмæ та Алиханмæ бакæсæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv