Субъекты бон

Цæгат Кавказы фæсивæдон форум «Машук»-ы архайджытæ зонгæ кæнынц ирон культурæимæ. Абон дзы арæзт æрцыд Цæгат Ирыстоны бон. Цæмæй нæ республикæ куыд æмбæлы, афтæ равдисой, уый тыххæй Дзæуджыхъæуæй Пятигорскмæ араст ирон минæварад. Гом фæзыл сарæзтой æрмдæсныты, национ уæлæдарæсы, иронау дзурæг куклаты равдыстытæ. Концертон программæ дæр равдыстой – ирон кæфтытæ æмæ зарджытæ. Уæ зæрдыл уын æрлæууын кæндзыстæм, «Машук"-ы ныртæккæ дыккаг фæлтæр кусын райдыдта. Ацы аз форум суазæг кодта 31 регионы минæвæртты. Дыккаг фæлтæры нæ республикæйæ ис 100 адæймаджы. Форумы лекцитæ æмæ тренингтæ кæсынц зындгонд политиктæ, артисттæ, амалхъом адæм æмæ депутаттæ. Ацы аз форум бархионты азимæ баст у. Фæсивæд æвдисдзысты сæ проекттæ дæр. Хуыздæрты автортæн ратдзысты гранттæ. Хицæн адæймæгтæн сæ бон у 300 мин сомы онг рамбулын, юридикон организацитæн та - 2,5 милуан сомы онг. 2018-æм азы форумы иумæйаг фонд у 84 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv