Фарастаздзыд Даниил Хугашвилийы хъæу реабилитаци ацæуын Китайы
Æмæ та ногӕй цæстытыл уайы уыцы уæззау æхсæв. Фæлæ та Даниилы мад Оксанæ йæ хъарутæ æрбамбырд кæны æмæ радзуры, цы уæззау цау сыл æрцыд, уый. Цæмæй 9-аздзыд Даниилы тыххæй фылдæр адæм базона. Уыд хуымæтæг лæппу. Цæрдæг æмæ зæрдæрухс. Уарзта корструктор æмбырд кæнын. Уæдæ-иу тезгъо кæнынмæ куы ацыд, уæд-иу æй хæдзармæ æрбасайæн нал уыл. Афæдз æмæ 'рдæджы размæ бинонтимӕ уынджы хъазгæйæ сывæллон хъеллаугæнæнæй рахауд æмæ йæхи тынг ныццавта. Уыцы цауы фæстæ бинонты цард раздæрау нал у. Дарддæр та райдыдтой удхарæн фæлварæнтæ. Сывæллон ныллæмæгъ, бауадзыг-иу. Цалдæр сахаты фæстæ та сывæллонæн æвæстиатæй операци скодтой республикон клиникон рынчындоны - сæрыстæджы платикон трансплантаци. Айстой дзы гематомæ. Уый фæстæ та цалдæр боны сывæллон уыд аразгæ комæйы. Ныр афæдз æмæ 'рдæг реабилитаци алыхуызон центрты æмæ фондты. Даниил ныридæгæн ацыд дзæбæхгæнæн физкультурæйы алывæрсыг мадзæлттæ. Лæппуйы æнæниздзинад фæхуыздæр. Ныр ыл цæуы 9 азы æмæ ногæй сахуыр ис дзурын, райдыдта нымайын æмæ та фæстæмæ ахуыр кæнын райдыта скъолайы программæ. Йæ боныджы иу 3 дæр нæй. Фæлæ йын уæддæр тынг зын у цæуын, стæй фыссын дæр. Лæппуйы нервыты системæ у тынг хъыгдæрд. Даниилы мад Оксана куыд зæгъы, афтæмæй дохтыртæн сæ бон цы уыд, уый бакодтой. Фæлæ ма ныр дæр ис лæппуйы æнæниздзинад фæхуыздæр кæнæн. Даниилмæ цы рынчындоны æнхъæлмæ кæсынц, уый фыццаг хатт нæ дзæбæх кæны ахæм пациентты. Китайаг дохтыртæ сын зæрдæ æвæрынц, лæппуйæн йе 'нæниздзинад зынгæ кæй фæхуыздæр уыдзæн дзæбæхгæнæн мадзæлтты фæстæ. Реабилитацийы курс цæудзæн 3 мæйы дæргъы. Йæ аргъ та у 2 милуаны 630 мин сомы. Фæрæзты иу хай æрæмбырд кæнын ныридæгæн бантыст. Хъæуы ма сæ 400 мин сомы æрæмбырд кæнын. Афтæмæй рæстæг дæр бирæ нал ис. Декабры Даниилы хъæуы Китаймæ ацæуын. Даниилæн баххуыс кæнын у алкæйы бон дæр. Æххуыс сын уыдзысты цыфæнды чысыл фæрæзтæ дæр. Алы сом дæр хæстæгдæр кæны Даниилы ног - æнæниз цардмæ. Æмæ уæд сывæллонæн йæ бон уыдзæн фæстæмæ скъоламæ ацæуын, йе 'мгæрттимæ урокты уæвын. Фæнды йæ спортæй архайын дæр. Йæ бæллицтæй иу та у рæссугъд урс-урсид зымæгон бон йæ фыдимæ кæртмæ рацæуын æмæ та митын дадайы саразын.
Æмæ та ногӕй цæстытыл уайы уыцы уæззау æхсæв. Фæлæ та Даниилы мад Оксанæ йæ хъарутæ æрбамбырд кæны æмæ радзуры, цы уæззау цау сыл æрцыд, уый. Цæмæй 9-аздзыд Даниилы тыххæй фылдæр адæм базона. Уыд хуымæтæг лæппу. Цæрдæг æмæ зæрдæрухс. Уарзта корструктор æмбырд кæнын. Уæдæ-иу тезгъо кæнынмæ куы ацыд, уæд-иу æй хæдзармæ æрбасайæн нал уыл. Афæдз æмæ 'рдæджы размæ бинонтимӕ уынджы хъазгæйæ сывæллон хъеллаугæнæнæй рахауд æмæ йæхи тынг ныццавта. Уыцы цауы фæстæ бинонты цард раздæрау нал у. Дарддæр та райдыдтой удхарæн фæлварæнтæ. Сывæллон ныллæмæгъ, бауадзыг-иу. Цалдæр сахаты фæстæ та сывæллонæн æвæстиатæй операци скодтой республикон клиникон рынчындоны - сæрыстæджы платикон трансплантаци. Айстой дзы гематомæ. Уый фæстæ та цалдæр боны сывæллон уыд аразгæ комæйы. Ныр афæдз æмæ 'рдæг реабилитаци алыхуызон центрты æмæ фондты. Даниил ныридæгæн ацыд дзæбæхгæнæн физкультурæйы алывæрсыг мадзæлттæ. Лæппуйы æнæниздзинад фæхуыздæр. Ныр ыл цæуы 9 азы æмæ ногæй сахуыр ис дзурын, райдыдта нымайын æмæ та фæстæмæ ахуыр кæнын райдыта скъолайы программæ. Йæ боныджы иу 3 дæр нæй. Фæлæ йын уæддæр тынг зын у цæуын, стæй фыссын дæр. Лæппуйы нервыты системæ у тынг хъыгдæрд. Даниилы мад Оксана куыд зæгъы, афтæмæй дохтыртæн сæ бон цы уыд, уый бакодтой. Фæлæ ма ныр дæр ис лæппуйы æнæниздзинад фæхуыздæр кæнæн. Даниилмæ цы рынчындоны æнхъæлмæ кæсынц, уый фыццаг хатт нæ дзæбæх кæны ахæм пациентты. Китайаг дохтыртæ сын зæрдæ æвæрынц, лæппуйæн йе 'нæниздзинад зынгæ кæй фæхуыздæр уыдзæн дзæбæхгæнæн мадзæлтты фæстæ. Реабилитацийы курс цæудзæн 3 мæйы дæргъы. Йæ аргъ та у 2 милуаны 630 мин сомы. Фæрæзты иу хай æрæмбырд кæнын ныридæгæн бантыст. Хъæуы ма сæ 400 мин сомы æрæмбырд кæнын. Афтæмæй рæстæг дæр бирæ нал ис. Декабры Даниилы хъæуы Китаймæ ацæуын. Даниилæн баххуыс кæнын у алкæйы бон дæр. Æххуыс сын уыдзысты цыфæнды чысыл фæрæзтæ дæр. Алы сом дæр хæстæгдæр кæны Даниилы ног - æнæниз цардмæ. Æмæ уæд сывæллонæн йæ бон уыдзæн фæстæмæ скъоламæ ацæуын, йе 'мгæрттимæ урокты уæвын. Фæнды йæ спортæй архайын дæр. Йæ бæллицтæй иу та у рæссугъд урс-урсид зымæгон бон йæ фыдимæ кæртмæ рацæуын æмæ та митын дадайы саразын.