Хуыздæрты 'хсæн

Нæ телеканал афæдз дæр нæма кусы, афтæмæй систæм егъау конкурсы уæлахиздзаутæ. Абон Хъазаны кадджын уавæры схорзæхджын кодтой журналистты конкурс «Многоликая Россия»-йы уæлахиздзауты. Номинаци «Документалон киноныв»-ы национ телеуынынад «Осетия-Ирыстон» бацахста фыццаг бынат. Гран-при саккаг кодтой канал «Архыз 24»-æн. Конкурсы сæйраг нысан у телеуынынады национ традицитæ бахъахъхъæнын. Сфæлдыстадон ерысты рæстæг йæ архайджытæн телеканал «Россия 24»-ы сæйраг редактор Евгений Бекасов сарæзта дæсныйад æвдисæг ахуыртæ. Фембæлды ма æрдзырдтой хорз специалисттæ кæй нæ фаг кæны, ууыл дæр. Æрыгæттæ дзыллон информацион фæрæзты разæнгардæй нæ кусынц, университетты æмæ институтты фæстæ та сæм фæлтæрдзинад нæ вæййы. Ахæм конкурстæ сын уацхæсджыты куыст, зонындзинæдтæ æмæ арæхстдзинад хуыздæр кæнынæн ахъаз сты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv