10-æм июны 1936-æм азы Советон Цæдисы фæзындис киностуди «Союзмультфильм»

Советон Цæдисы ист мультипликацион кинонывтæ йæ зæрдæйы арф фæд кæмæн ныууагътой, уыдонæн цымыдисаг хабар. 1936-æм азы 10-æм июны фæзынд Советон Цæдисы ахæм кинонывты æппæты стырдæр студи «Союзмультфильм». Уæд хуындис «Союздетмультфильм». Йæ ном ын баивтой афæдзы фæстæ. «Союзмультфильм»-ы бар баисты, раздæр мультипликацион кинонывтæ чи иста, уыцы студитæ-æрмадзтæ. Ног кусæндоны фыццаг киноныв уыдис «В Африке жарко», зæгъгæ. Хуызджын, ай-гъай, нæма уыд. Чысыл фæстæдæр фæзындысты хуызджын мульткинонывтæ дæр. Фыццаг стыр нывгонд киноныв «Конек-Горбунок» рухс федта 1947 азы. 1960-1970-æм азты фæд-фæдыл уадзын райдыдтой Советон Цæдисы сывæллæтты уарзондæр хъайтартимæ мультипликацион нывтæ: «Маугли», «Малыш и Карлсон», «Умка», «Ну, погоди», «Бременские музыканты», «Винни Пух», «Крокодил Гена» æмæ афтæ дарддæр. 80-азты кæрон студи хаццоны радтой æмæ заууат уавæрмæ æрцыд. 1999 азы та, хицауады уынаффæмæ гæсгæ, студи фæстæмæ йæхиуыл схæцыд. Фæзынд дзы сфæлдыстадон Совет, кусын дзы райдыдтой Уæрæсейы хуыздæр мультипликатортæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv