Æфсæддонтæ ерыс кæнынц уæзæгтæ исынæй

Дзæуджыхъæуы æфсæддонты `хсæн райдыдта чемпионат уæзæгтæ исынæй. Саразынц æй æрвылаз дæр. Йæ архайджытæ вæййынц нæ бæстæйы Хуссар зылды æфсады службæгæнджытæ. Спартакиадæйы сæ тыхтæ æвзарынц 100 адæймагæй фылдæрæй. Ерысы фæлгæты ис дыууæ фæлтæрæны, сæ бæрæггæнæнтæм гæсгæ равзардзысты хуыздæрты. Уымæй уæлдай уæзæгтæ исынæй сæхи фæлварынц, контрактон бындурыл цы сылгоймæгтæ службæ кæнынц, уыдон дæр. Фыццаг æртæ бынаты алы уæзты чи бацахса, уыдон æрвыст æрцæудзысты æппæтуæрæсеон финалмæ. Кæронбæттæн ерыстæ ацæудзысты февралы мæй Мæскуыйы. Дзæуджыхъæуккаг къæпхæны фæстæ спортсменты уæлахиздзауты схорзæхджын кодтой кады гæххæттытæ æмæ кубоктæй. Хуыздæртæн лæвæрд æрцæудзысты спортивон арæхстдзинады къæпхæнтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv