Коронавирусы ныхмæ мадзæлттæ аразы Дзæуджыхъæуы «Автоколонна 1210»

Ныртæккæ хи бахъахъхъæнын уæлдай ахсджиаг у. Уый фæдыл коронавирусы ныхмæ мадзæлттæ сарæх сты Цæгат Ирыстоны дæр. Зæгъæм, Дзæуджыхъæуы Автоколоннæйы кусджытæ æрвылбон дезинфекци кæнынц æхсæнадон транспорт. Фæлæ уал уый размæ шофыртæ сæхæдæг ацæуынц медицинон æркаст. Ацы хъуыддагмæ ныртæккæ здахынц сæрмагонд цæстдард. Шофырæн сбарынц йæ туджы æлхъывдад æмæ температурæ. Уыимæ ма сбæрæг кæнынц карз нозт хъæстæ у æви нæ, уый. Дезинфекци кæныны куыст цæуы иу къуырийæ фылдæр. Автоколоннæйы куыстуат хи хъарутæй самал кæны æппæт хъæугæ гæрзтæ. Автобустæ ныссæрфынц: хæцæнтæ, шофыры руль æмæ дуар. Фæнысан ма кæнын хъæуы уый æмæ алы бон дæр Автоколоннайæ рацæуы 45 автобусæй фылдæр. Æххæст кæнынц 300 рейсæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv