Журнал "Ногдзау" дарддæр  æххуыс кæны сæрмагонд æфсæддон операцийы архайджытæн

Сывæллæтты журнал "Ногдзау" дарддæр  æххуыс кæны сæрмагонд æфсæддон операцийы архайджытæн. Редакцийы разамынд æппынæдзух Бæззаты Еленæйы афæрсы, æфсæддонты тынгдæр ныртæккæ цы хъæуы, уымӕй. Уый Донецкы облæсты  æххуыс байуары ирон батальонты æхсæн. Фæстаг хатт арвыстой хостæ госпитальмæ. Ныр та хими æмæ уæлæдарæс. Æфсæддонтæ ма сæхæдæг бацагуырдтой бынæттон прессæ æмæ литературæ. Уый 'руаджы сæхи сæ хæдзæрттæм хæстæгдæр æнкъарынц. Æрвитæггæгтимæ ма æнæмæнг ис сывæллæттæй фыстæджытæ дæр. Акци "Письмо солдату" арæзт цæуы республикæйы æппæт скъолатæ æмæ сывæллæтты рæвдауæндæтты.