Кировы ацæргæ адæмæн фæзынди фадат регионалон проект «Хистæр фæлтæр»-ы бацархайын

«Демография» национ проекты фæлгæты Цæгат Ирыстоны фидаргонд æрцыдысты 5 регионалон проекты. Уыдон иууылдæр æххæстгонд цæуынц нæ республикæйы фæллой æмæ социалон рæзты, æнæниздзинад хъахъхъæныны æмæ арæзтады министрадты руаджы. Уыимæ ма Цæгат Ирыстоны куыстдæттыны комитеты фæрцы дæр. Уый æххæст кæны регионалон проект «Хистæр фæлтæр». Ацы проектыл кусынц республикæйы районты дæр. Уыдонæй иу: Кировыхъæу. Æрыдоны районы социалон лæггæдты службæйы сæрдар абон сæрмагондæй йе 'мкусджытæн бабар кодта, цæмæй Кировы хъæуы ацæргæ адæмы бахæццæ кæной Æрыдоны бынæттон поликлиникæмæ. Уым сын хъуамæ æмбæлгæ æххуыс скæной. Хъесаты Игорь нын куыд радзырдта, афтæмæй æрæджы нæ республикæйы, Уæрæсейы национ проект «Демографи»-йы фæлгæты регионалон проект «Старшее полоколение»- зæгъгæ, чи хуыйны, уый руаджы ацæргæ адæмæн фæзынд фадат районы рынчындæтты хи дзæбæх кæнын. Ацы мобилон бригад ныртæккæ ис нæ республикæйы æппæт районты дæр. Кусы æмбæлгæ домæнтæм гæсгæ. Цæмæй медицинон уагдæттæм, хъæуы цæрджытæй 65 азæй фылдæр кæуыл цæуы, уыдоны бахæццæ кæной, уый тыххæй 2019 азы нæ республикæ райста 8 мобилон хæдтулгæйы. Уый алы районæн дæр фæйнæ. Алы комплексон центры та ис мобилон бригадæтæ 3 адæймагæй. Алы адæймаг дæр дзы хъуамæ райса æмбæлгæ æххуыс. Æрыдоны районы рынчындоны цы поликиникæ кусы, уым ныртæккæ ис æппæт уавæртæ дæр, цæмæй канд хистæр кары адæм нæ, фæлæ ма дзы сывæллæттæн дæр хъæугæ медицинон æххуыс бакæной. Кусджытæ алкæмæдæр сæ хъус дарынц, æмæ ма уыимæ се ‘ргом тынгдæр здахынц ацæргæ адæммæ. Рынчынтæ дæттынц туг, кæнынц флюрографи æмæ ма сын æххуыс кæнынц бирæ æндæр лæггæдтæй дæр. Алкæмæдæр лæмбынæг кæсынц, уыимæ ма семæ ис сæрмагонд адæймаг дæр. Ацы проекты фæрцы хъуамæ цыбыр рæстæгмæ социалон лæггæдтæ кæныны кусджытæ сбæрæг кæной, проект куыд ахады адæмыл, уый. Регионалон проект «Старшее поколение» - йы руаджы нæ республикæйы цæрджыты нымæц хъуамæ фæфылдæр уа. Уæдæ ацæргæ адæмы царды дæргъвæтиндзинад дæр хуыздæры рдæм ‘аива. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv