Фидæнмæ нысæнттæ

Битарты Вячеслав æрвылазон ныстуанимæ фæсидт Цæгат Ирыстоны парламентмæ. Æрдзырдта Хицауады ивгъуыд азы куысты хатдзæгтыл, æмæ снысан кодта фидæны пълæнттæ дæр. Æнæниздзинадхъахъхъæнынад, ахуырад, культурæ, спорт æмæ æндæр къабæзты фарстатæ. Пленарон залы æрæмбырд сты республикæйы парламенты æмæ паддзахадон думæйы депутаттæ, министрадты, республикон комитетты, районты разамынды æмæ æхсæнадон организациты минæвæрттæ. Битарты Вячеслав сæдæ минуты æмгъуыдмæ афæлгæсыд æппæт къабæзтыл дæр. Фæткмæ гæсгæ, республикæйы сæргълæууæг йæ ныхас райдыдта ирон æвзагыл. Æрдзырдта æппæты ахсджиагдæр фарстатыл. Сæйраг бынат дзы бацахста - адæмы фæрныгад фæфылдæр кæнын. Цæгатирыстойнæгтæн æмбæлгæ царды уавæртæ аразын у раззагдæр фарстатæй иу, загъта республикæйы сæргълæууæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv