Республикæйы сарæзтой фыццаг æппæтадæмон ерыстæ «Æфсæддон æмбалад», зæгъгæ. Архайджытæ - Цæгат æмæ Хуссар Ирыстоны Мидхъуыддæгты министрадты службæгæнджытæ. Стадион «Динамо»-йы уыцы иу рæстæг райтыгътой цалдæр фæзуаты. Пъæлицæйæгтæ æмæ сæрмагонд дæлхайæдты кусджытæ равдыстой бæрзонд цæттæдзинад: рог æмæ уæззау атлетикæйæ, мини-футболæй, алыхуызон эстафетæтæй. Архайджыты фарсмæ æрбалæууыдысты Цæгат æмæ Хуссар Иры разамынды уæнгтæ, зындгонд спортсментæ, æмкусджытæ, хæлæрттæ æмæ хиуæттæ. Уæлахиздзаутæ æмæ призертæ хорзæхгонд æрцыдысты майдантæ, дипломтæ æмæ сгуыхты лæвæрттæй.