1-æм июлæй Уæрæсейы пенсионерты æрвылмæйон фиддонтæ фæфылдæр сты. Газет «Известия» куыд хъусын кæны, афтæмæй ивддзинæдтæ хауынц цæрджыты æртæ категоримæ. Ныхас цæуы июны 80 азы кæуыл сæххæст, уыдоныл. Ныр æрвылмæй сæ пенсимæ бафтдзæн æрвылмæйон фиддон 7,5 мин сомы. Уыимæ дзы ницы курдиат дæттын бахъæуыдзæн. Уыдонæй уæлдай ма сæ пенси фæфылдæр уыдзæн, цалдæр мæйы размæ йæ фæллойадон куыст чи фæци, уыдонæн. Сæ фиддонтæ сын банымайдзысты, цы рæстæг бакуыстой, уымæ гæсгæ. Уымæй уæлдай ма пенситæ фæфылдæр сты, ногæй цы рæстæг бакуыстой, уымæн гæххæттытæ чи бавдыста, уыдонæн. Ног хыгъдтæ скæндзысты автоматикон хуызы. Цæрджытæн пенси снысан кæнæ фæылдæр кæныны тыххæй хъусын кæндзысты социалон ифтонгкæнынады иумæйаг паддзахадон информацион системæйы уылты.