Ансамбль «Молодость Беслана» цæуы сфæлдыстадон фестивальмæ Хъырыммæ

Æрыгон кафджыты ансамбль «Молодость Беслана» йæхи цæттæ кæны æркаст «Алтын-Майдан-2019»-ы бацархайынмæ. Интернационалон, культурон-рухстауæн проект хæссы композитор Бисер Кировы ном. Фольклорон фестиваль арæзт цæудзæн Хъырымы. Йæ амидингæнæг у Хъырымы культурæйы министрад. Æркасты архайдзысты сфæлдыстадон къордтæ. Беслæйнаг æвзонг кафджытæн уыдзæн фадат иннæ адæмы хæттыты фенынæн, сæ дæсныйад равдисынæн, стæй ма денджызы был баулæфынæн дæр. Зæгъын хъæуы уый, æмæ ансамбль «Молодость Беслана» фæзынд 3 азы размæ сентябры. Цыбыр рæстæгмæ сæ къухы бафтыд бирæ концерттæ равдисын, стæй алыхуызон æркастыты бацархайын. Систы-иу уæлахиздзаутæ дæр. Ныртæккæ къорды ис 150 сывæллоны. Радтой йын дæнцæгæнхæссинаг ансамблы ном дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv