Æнæниздзинадæн пайда

Тамако дымыны ныхмæ акци сарæзтой Дзæуджыхъæуы базарадон цетртæй иуы. Специалисттæ уырдæм æрбацыдысты сæрмагонд кусæнгæрзтæ, тематикон фæйнæджытæ æмæ лекцион æрмæджытимæ. Алкæй бон дæр уыд йе 'нæниздзинады уавæр сбæрæг кæнын, æмбæлгæ иртæстытæ саразын. Фадат ма сын уыд туджы æлхъывдад сбæрæг кæнынæн, зæрдæ æмæ рæуджыты куыстмæ æркæсынæн. Центры уазджытæн радзырдтой тамако мауал дымыны мадзæлтты тыххæй. Уый комкоммæ ахады æнæниздзинадыл. Акцийы фæлгæты тамакоты бæсты адæмæн лæвæрдтой къафеттæ æмæ фæткъуытæ. «Ныртæккæ æххæст кæнæм зианхæссæг ахуырты ныхмæ тох кæныны программæ. Бацæттæ йæ кодта нæ республикæйы æнæниздзинад хъахъхъæныны министрад. Куыстхъом адæмы 'хсæн бирæтæ мæлынц тамако дымыны аххосæй. Уымæн æмæ расайы бирæ тæссаг низтæ», - РЦИ-Аланийы медицинон профилактикон центры хайды сæргълæууæг Церекты Алан. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv