Цæгат Ирыстонæй диспансеризаци цæуынц сæрмагонд æфсæддон операцийы архайджытæ

Цæгат Ирыстонæй сæрмагонд æфсæддон операцийы чи архайы, уыцы æфсæддонтæ ацыдысты диспансеризаци. Уый тыххæй сын Дзæуджыхъæуы 1, 4 æмæ 7 поликлиникæты сарæзтой æппæт уавæртæ. Медицинон æркаст ма сæ бон ацæуын у районты чи цæры, уыцы æфсæддонтæн дæр. Кæнынц сын куыд медицинон, афтæ психологон æххуыс дæр. Уæ зæрдыл уын æрлæууын кæндзыстæм, диспансеризаци кæнынц республикæйы æнæниздзинад хъахъхъæнынады министрады бардзырдмæ гæсгæ, стæй "Фыдыбæстæ хъахъхъæнджытæ" фонды хъæппæрисæй. Алывæрсыг фарстаты специалисттæ æххуыс кæнынц æфсæддон цауты ветерантæн æмæ сæ бинонтæн.