Ахсджиаг фарстатыл - æргом ныхас

Цæгат Ирыстоны унитарон куыстуæттæн сæ фылдæр сæхгæнын хъæуы. Уый тыххæй журналисттæн абон йæ пресс-конференцийы фехъусын кодта паддзахадон исбоны æмæ зæххы ахастдзинæдты министр Тедеты Руслан. Куыд загъта, афтæмæй 124 куыстуатæй æрмæст 16 кусынц. Хъуыддаг афтæ у, æмæ паддзахадон мулкæй цы куыстуæттæ пайда кæнынц, уыдон хъуамæ се 'фтиæгты `рдæг дæттой республикæйы бюджетмæ. Фæлæ бæлвырд бæрæггæнæнтæм гæсгæ фарон æмæ æндæраз æрмæстдæр иунæг унитарон куыстуат бафыста паддзахадæн. Къазна фæхъæздыгдæр кодта 122 мин сомæй. Паддзахадон уагдæттæ дæр æнæ хъæндзинæдтæй нæ кусынц. Министрады кусджытæ дзы басгæрстой 280. Бирæтæм дзы нæ разынд бардæттæг гæххæттытæ, иннæтæ та заууатмæ 'рцыдысты. Сæ фылдæр сты, ветеринарон управленийы бæрны чи ис, уыдон. Æрдзырдтой ма фысымуат «Коммунальник»-ы фарстайыл. Йæ цæрджытæ 15 азæй фылд æр тох кæнынц фатертыл. Министры ныхæстæм гæсгæ агъуыстытæ приватизаци скæнæн нæй. Фембæлды ма раиртæстой, зæххытæ кæмæ хауынц æмæ сæ чи куыд пайда кæны, уый дæр. Республикæйы исбоны ныртæккæ ис 35 мин гектары. Сгæрстыты 'руаджы рабæрæг кодтой кадастрон хыгъды цы зæххы хæйттæ не сты, уыдон. Сты 5 мин гектары. Уыдонæй 4 – хуымгæндтæ. Тедеты Руслан загъта, ахæм зæххыты хицæутты кæй сбæрæг кæндзысты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv