Æрбамбæлдысты

Цæгат Ирыстонмæ ссыдысты цалдæр бæстæйы иугонд командæйы - Германи, Франци, Испани, Израиль æмæ Польшæйы спортсментæ. Цалдæр сахаты размæ сыл кадджын уавæры сæмбæлдысты Дзæуджыхъæуы аэропорты. Традицимæ гæсгæ сын сæ размæ рахастой æртæ чъирийы æмæ ирон бæгæны. Спортсментæ цæттæ сты сæ фæлтæрддзинад тохы æвдисынмæ. Уæ зæрдыл уын æрлæууын кæндзыстæм, Европæйы турниры бацархайдзысты 250 спортсмены 39 бæстæйæ. Райсом сын 8 сахатæй 9 сахатмæ сæ уæзтæ бардзысты. Мадзал аразджытæ куыд зæгъынц, афтæмæй ерыстæ байгом кæндзысты цымыдисаг программæйæ. Турнир райдайдзæн райсом спорты Галуан «Манеж»-ы 18 сахатыл. «Фæндагыл тынг бирæ рæстæг фестæм. Ныртæккæ цæуæм улæфынмæ. Нæ тыхтæ нæ рамбырд кæнын хъæуы. Абон нæм изæрæй тренировкæ уыдзæн. Нæхи хорз æнкъарæм. Цæттæ стæм уæлахизтæм», - Испанийы иугонд командæйы боксёр Пабло Кой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv