Сабырдзинады проспекты дарддæр цæуынц цалцæггæнæн куыстытæ

Дзæуджыхъæуы Сабырдзинады проспекты дарддæр цæуынц цалцæггæнæн куыстытæ. Кусджытæ архайынц æхсæвæй-бонæй. Ныридæгæн уал равæрдтой гранитæй конд къæйдурты 2 мин квадратон метры. Бацæттæ кодтой фонтанæн фæзуат. Трамвайты фæндæгтæ та рацарæзтой Горькийы номыл уынджы онг. Трамвайты электрон тыхы телтæн ифтонг кæнынц сæ рухсдæттæн бындуртæ. Куыстытæ фæуынвæнд кæнынц Уæлахизы бонмæ, 9 маймæ. Сослан Секаев, прораб: «Ныртæккæ мах фæзуаты бындур бетон кæнæм, гранитæй конд къæйдуртæ æвæрæм. Ныридæгæн 10 мин кв метрæй банывыл кодтам 2 мин кв метры. Бригады архайы 50 адæймаджы. Цы æрмæджытæй пайдй кæнæм, уыдон фидар æмæ хæрзхъæд сты, æфсæддон техникæ дæр дзы ацæудзæн. Паддазахдон страндартты домæнтæн дзуапп дæттынц. Куыстытæ æххæст кæнæм пъланмæ гæсгæ. Фæуыдзыстæм сæ ныснагонд æмгъуыдмæ - 25-æм апрелмæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv