Кусæг балц

Наркоманийы ныхмæ мадзæлттæ чи `ххæст кæны, уыцы æхсæнадон организациты уæнгтимæ Битарты Вячеславы разамындæй арæзт æрцыд æмбырд. Ацы фарстамæ сæрмагонд дарынц сæ цæст. Цæгат Ирыстоны кусы къæпхæнгай системæ. Уымæ гæсгæ дзæбæх кæнынц рынчынты. Мамиаты Аслан 8 азы наркотиктыл ахуыр уыд. Цалдæр азы размæ бахауд реабилитацион центрмæ æмæ дзы ныллæууынмæ сразы ис. Зын у? О. Фæлæ цæрæгойты кæй уарзы, уый йын тынг æххуыс у. Ныридæгæн у фермæйы хистæр. Фермæйы сæйраг кусæг Мамиаты Аслан: «Мæнмæ гæсгæ, наркотиктыл ахуыр адæмæн сæ 90% куыстæй тæрсынц. Ахæм адæм никуы куыстой. Ам цын вæййы фыццаг къæпхæн – хизынц фысты, хæрын сын кæнынц. Адæм хъæууонхæдзарадон куыстыл фæцахуыр вæййынц. Æмæ уын зæгъдзынæн, бирæты зæрдæмæ цæуын райдайы». Хæххон Санибайы хи хæдзарад реабилитацион центртæй иу у. Йæ фæзуат 60 квадратон метры. Ам наркотиктыл ахуыр чи уыд, уыдон цæуынц дзæбæхгæнæн мадзæлтты æртыккаг къæпхæн. Ацы фæзуаты ис цыхтгæнæн бынат, дыргъдон, дарынц дзы стурвос. Фæнд ма дзы кæнынц спортивон фæз саразын æмæ хæрæндоны фæзуат фестырдæр кæныны фæнд. Нæ республикæйы æнæниздзинад хъахъхъæнынады ахæм рынчынты 2 къæпхæнмæ гæсгæ дзæбæх кæнынц. Фыццаг реабилитаци ацæуынц Холсты, уый фæстæ та сæ æрбадасынц ардæм – Хохы Санибамæ. Наркоманты дзæбæхгæнæн реабилитацион республикон центры сæйраг дохтыр Гæззаты Алыксандр: «Ахæм рынчынтæм хъæуы сæрмагонд цæстдард. Æхсæнадæй кæй ахицæн вæййынц, уый дæр æнцон нæу. Адæймаг вæййы лæмæгъ, æнæдзураг. Уый тыххæй та мах сæйраг нысан у алы къæпхæныл дæр сæрмагондæй бакусын». Абон республикон наркодиспансере хыгъды ис 3100 адæймаджы. Бæрæг у ацы фарстайыл нæ республикæйы бакусын кæй хъæуы, уый. Фарон наркотикты ныхмæ мадзæлттыл нæ республикæйæн радих кодтой 15 милуан. Ацы фарста куыд лыггонд цæуы, уымæ та йæ цæст дары республикæйы сæпргълæууæг. Ууыл дзырдта радон наркотиктимæ тох кæныны къамисы радон æмбырд. Архайдтой дзы æхсæнадон организациты минæвæрттæ. Хатдзæгтæ скæнæн дæр ис. Хохы Санибайы хи хæдзарад арæзт æрцыд регионалон бюджеты фæрæзтæй. Фæнд кæнынц райсын федералон æххуыс. Уæд сæ бон уыдзæн сæ куыстуат фестырдæр кæнын æмæ фылдæр адæмæн æххуыс кæнын.  Семæ кусынмæ та дохтыртæ сæ цæттæ сты æмæ сæ зонындзинæдтæ не вгъау кæнынц. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv