Цæгат Ирыстоны медицинон колледжы йæ тæмæны ис исæн кампани. Рагагъоммæ онлайн хуызы курдиат бадæттæн уыдис паддзахадон лæггæдты порталы уылты. Уæрæсейы посты та райдыдта 18 июны. Куыд æрвылаз, афтæ та ныр дæр ацы колледжмæ ахуыр кæнынмæ бацæуын кæй фæнды, уыдоны нымæц бирæ у. Бюджетон бынæттæ сты 200, стæй ма 60 та - коммерцион бынæттæ. Ныридæгæн медицинон колледжмæ балæвæрдтой 600 курдиаты. Æмæ уыдон сты, æрмæст  9-æм къласы фæстæ йæ гæххæттытæ чи райста, уыцы абитуриенттæ. 11-æм къласы фæстæ фæсивæдмæ та цымыдисаг кæсынц ахуыры къабæзтæ се ппæт дæр. Дзæбæхгæнæн факультетмæ балæвæрдтой 220 курдиаты, медицинон хойы дæсныйадыл ахуыр кӕнын фæнды 200 адæймаджы, акушерон дæсныйадыл - 50 курдиаты, фармация æмæ лабраторон диагностикæмӕ балӕвӕрдтой сӕ гӕххӕттытӕ 30 адæймаджы. Иу бонмæ ам райсынц 40 адæймаджы. Æппæт хъæугæ информаци сæ бон базонын у ахуыргæнæндоны официалон сайты.