Æрыдоны аграрон-технологон колледжы студенттæн сарæзтой дæсныйад æвдисæн ахуыртæ

Цæгат Кавказы аграрон-технологон колледжмæ ацы бонты ссыдысты бирæ уазджытæ. Æндадзыны куысты факультеты студенттæн сарæзтой дæсныйад æвдисæн ахуыртæ. Куыд теори, афтæ практикæйы хуызы дæр. Специалисттæ фидæны æндадзджытæн сæ дæсныйады сусæгдзинæдтæ нæ бавгъау кодтой. Æрыдоны аграрон-технологон колледжы та сæмбæлдысты сыхаг республикæты минæвæрттæ Æндадзыны куысты сусæгдзинææдтæ сын амоны хуыздæр æндадзæг Владимир Бобошкин. Кæд ыл 20 азы цæуы, уæддæр ныридæгæн йæ къуых бирæ æнтыстдзинæдтæ бафтыд. 2018 азы рамбылдта чемпионат "Евроскилс-"ы, фарон та дунейы чемпионат уорлдскилс Казань -2019-ы. Куыд зæгъы, афтæмæй йæ куыст бирæ уарзы. Алкæддæр ыл архайы зæрдæргъæвдæй. Владимир Бобошкин, чемпионат «Euroskills-2018»-ы уæлахиздзау: «Мах Цæгат Ирыстонмæ ссыдыстæм уымæн, æмæ равдисæм кусæнгарз "Кемпи" куыд кусы, уый тыххæй. Ис æм цавæрдæр ног æууæлтæ. Студенттæн ахсджиаг у уыдон базонын, уымæн æмæ ацы аз сæ уыцы зонындзинæдтæ бахъæудзысты Евроскилз 2020 мы чемпионаты. Мæнмæ гæсгæ дæ куыст зæрдиагæй куы уарзай, уæд адæймагæн бирæ бантысдзæн». Компани «Кемпи» ныр æхсæз азы бæрц у уолдскилсы æндадзыны технологиты компетенциты партнер. Сергей Дорофеев, куыстуат «Кемпи»-йы ахуырадон проектты разамонæг: «Мæнмæ гæсгæ, ахæм дæсныйад æвдисæн ахуыртæ аразын у тынг ахсджиаг. Ахæм программæимæ Цæгат Ирыстоны стæм 1-аг хатт. Ахæм ахуыргæнæндæттæи хъуамæ не ргом здахæм. Кæстæр фæлтæр хорз куы сахуыр кæнæм, уæд нæ фидæн дæр рæсугъд уыдзæн». Цæгат Кавказы аграрон-технологон колледжы директор Моурауты Аланы ныхæстæм гæсгæ, ахæм фембæлдытæ сты тынг пайда. Хуыздæр æндадзæджытæ сæ фæлтæрдзинадæй хай кæнынц æрыгон фæлтæрæн. Уый бирæйы аргъ у. Дæсныйад æвдисæн ахуыртæн ныридæгæн цæуынц дыккаг бон. Раздæр специалисттæн сарæзтой сæрмагонд семинар. Уый фæстæ та сæ дæсныдзинад æвдыстой практикæйы хуызы. Алчидæр сæхи æнтыстджынæй фæлвары. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv