Гаражты æмæ арæзтадон кооперативы проблемæ

Дæсгай азты Дзæуджыхъæуы Цоколаты Геннадийы уынджы гаражты æмæ арæзтадон кооперативты уæнгты цы фарста тыхсын кæны, уый та ногæй скарз ис. Зæххы бын цы агъуыстытæ ис, уыдон къæвда бон доны бын фæвæййынц. Уымæ гæсгæ дзы машинæтæ дарæн нæй. Цæрджыты бон та ацы фарста аиуварс кæнын нæу. Бæлвырддæр хабæрттæ – нæ дарддæры `рмæджы. Кæннод бамбийдзысты. Уымæлад, хъуына, згæ. Гаражты электрон тыхæнйæ кой дæр нæй. Къæвдаты рæстæг та раст уынджы куыд вæййы, мидæгæй дæр афтæ фæуары. Ахæмтæй федтам Цоколаты Геннадийы уынджы зæххы бын цы гаражтæ ис, уыдон. Аразын сæ 30 азы размæ райдыдтой. Уый дæр гаражты æмæ арæзтадон кооперативты уæнгты æхцатæй. Арæзтадон куыстытæ ныддæргъвæтин сты. Кæронмæ сæ нæ фесты кодтой. Официалон бæрæггæнæнтжм гæсгæ сæ пайда кæнæн нæй. Абайты Валери: «Ацы бæстыхæйттæ сæ исбонадмæ кæй хауынц, ахæм гæххæттытæ цæрджытæн нæ радтой. Сæхи тых æмæ хъаруйæ цыдæртæ аразын райдыдтой». Адæм гаражтæ хус кодтой, сæ сæртæ сын цалцæг кодтой, дуæрттæ сыл æвæрдтой. Бамбарæн дæр сæ ис – советон рæстæджы 4000 мин сомы цы арæзтадæн бафыстой, уымæй сæ фæнды пайда кæнын. Кооперативон арæзтады уæнгтæ куыд зæгъынц, афтæмæй, уавæр февзæрдæр, гаражты сæрмæ спортивон фæз аразын куы райдыдтой, уæд. Гаражты сæртæ систой æмæ фехæлдтой гидроизоляцийы, айстой къæвдадон тæдзæн хæтæлтæ дæр. Ныртæккæ адæм сæ машинæтæ гаражты нал æвæрынц. Бынат сын æндæр рæтты ссарынц. Уый та уымæн æмæ сæ гаражты дарын тæссаг у. Афтæмæй гаражтæ байдзаг сты алыхуызон æнæхъæугæ æмæ хæдзары дзаумæттæй. Фæлæ сæ цæрджытæ сæ исбоныл кæй нымайынц, уымæ гæсгæ сæ сæ гаражтæ уæгъд кæнын нæ фæнды. Сæ бон куыд у, афтæсæ дзаумæттæ къæвда донæй хъахъхъæнынц. Иуæй иу гаражты сæртæ полиэтилен цъарæй бамбæрзтой. 2016 азы Дзæуджыхъæуы администрацийы сæрмагонд къамис гаражты уаæврмæ биноныгæй æркастысты. Рахастой уынаффæ – ацы гаражтæй пайда кæнæн нæу, цардæн æмæ æдасдзинадæн тæссаг сты. Фæлхасгæнджытæн та бафæдзæхстой сæрмагонд куыстуаты æххуыс бацагурын. Стæй хæдбар экспертизæ скæной. Æмæ раиртасын Дзæуджыхъæуы администрацийы къамисимæ иу уынаффæмæ æрцæудзысты æви нæ, уый. Ныр та уал хъуыддаг афтæ у æмæ ацы арæзтадтæ цæрджыты исбоныл нымад не сты. Бардæттæг, кæнæ æндæр исты сæрмагонд гæххæттытæ сæм нæй. Дзæуджыхъæуы администрацийы дæр ацы хъуыддаджы фæдыл ницы дзурынц. Уæдмæ та адæм хъуамæ цы кæной? Фембæлдыстæм юристимæ дæр. Куыд æмбарын кæнынц, афтæмæй, хъуыддаг тæрхондонмæ бадæтгæйæ гаражты хицæутты бон у æмбæлгæ гæххæтытæ райсын. Æрмæст кæй бафыстой, уыцы квитанцæтæ хъуамæ равдисой. Танделаты Зауыр: «Хъуыддаг сраст кæнæн ис æрмæстдæр тæрхондоны æххуысæй.Уым хъуамæ радзурой фæлхасгæнджытæ æхца кæй фыстой, стæй сæм уал азы кæй зылдысты, уый. Уæд сын тæрхондоны сæ курдиатмæ биноныгæй æркæсдзæн æмæ фарста куыд æмбæлы афтæ лыггонд æрцæудзæн. Бахæсдзысты сæ Росреестрмæ». Ома, гаражтæй пайда кæныны бардæттæг гæххæттытæ куы райсой, уæд дзы сæ бон æххæстæй æмæ закъонмæ гæсгæ пайда кæнæн уыдзæн. Нымад уыдзысты сæ исбоныл. Уæвгæ, адæм уый размæ дæр тæрхондонмæ сæ хъаст æрбахастой. 2015 азы дæр ма фæлвæрдтой се хца æмæ бартæ бахъахъхъæнын. Уæд сæ къухы нæ бафтыд. Фæлæ уæддæр сæ ныфс нæ асаст, фидарæй сæ уырны юридикон æххуыс сын кæй фæпайда уыдзæн, уый. Æмæ сын ацы хатт, æнæмæнг, кæй рауайдзæн, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv