Сæ тыллæг у æмбырд

Цæгат Ирыстоны зæхкусджытæ сæ тыллæг æрæмбырд кодтой æмгъуыдæй раздæр. Уый къухы бафтыди, ацы аз республикæйæн 18 комбайны кæй балхæдтой, уый фæрцы. Уымæй уæлдай сæм техникæйæ фæкастытсты сыхаг республикæтæ дæр. Ацы аз Ирыстоны уалдзыгæндтæ æрæмбырд кодтой æхсæзсæдæ дыууын иу мин тоннæйы, уый фаронимæ абаргæйæ у цыппæрдæс мин тоннæйæ фылдæр. 2016-æм азы хъæууон хæдзарады кусджытæн техникæ кæй нæ фаг кодта, уый тыххæй сæ тыллæг афойнадыл нæ сæмбырд кодтой. Ирыстоны ныртæккæ дæр нæ фаг кæнынц хорæфснайæн машинæтæ, æмæ сæ фылдæр хатт райсынц сыхаг регионтæй. Афтæ нын радзырдта нæ республикæйы хъæууон хæдзарады æмæ фæлхасады министр Мæрзойты Хъазыбег: «Ацы аз нæ тыллæг мæй раздæр æрæмбырд кодтам, уымæн æмæ балхæдтам 18 комбайны, сыхаг регионтæ дæр нæм фæкастысты техникæйæ, рæстæгмæ нын радтой 38 машинæйыг. Боныхъæд ацы аз бынтон хорз нæ уыд, фæлæ нын нæ куыстытæ нæ фæкъуылымпы кодта. Хорæфснайæн куыстытæ афоныл куы нæ бакодтаиккам, уæд уый æвзæрырдæм фæбæрæг уыдаид продукцийы хæрзхъæддзинадыл. Хор æфснайд æрцыд элеваторты. Фермертæй иутæ æнхъæлмæ кæсынц, хоры аргъ кæд фæфылдæр уыдзæн, уымæ. Иннæтæ сæ продукци ауæй кодтой. Фарон æмæ æндæразимæ абаргæйæ хорæн ис къаддæр аргъ. Иннæ аз дæр та сыхаг республикæтимæ баныхас кæндзыстæм». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv