Адæмы бон бирæ у!

Социалон хызæгты апарахат кустуат  «Евродон»-ы генералон директор Уанеты Вадимы хъусынгæнинаг. Амалхъом адæймаг Цæгат æмæ Хуссар Ирыстоны цæрджытæй куры æххуыс. Куыд фыссы, афтæмæй та разынд йæ æнтыстдзинæдтæ йын, хи пайдайæн, ратонынмæ чи хъавы, ахæмтæ. Уыцы ныхæсты фæстæ Уанеты Вадимы ныхмæ информацион хæст сарæзтой. Дзыллон информацион фæрæзтæ фыссынц, Уанеты Вадимæн, дам, фæсарæнты фатертæ, хæдзæрттæ, яхтæтæ æмæ хæдтæхджытæ ис. Уæдмæ та уал амалхъом адæймаг куыд зæгъы, афтæмæй æвзæр цæстæй йæм чи кæсы, уыдон ын хъавынц йæ куыстуат байсын. Ахæм уавæры ма дыууæ азы размæ дæр уыди. Уæд рæстдзинад йæ тыхы бацыд æмæ Уанеты Вадимы ныхмæ чи уыд, уый ахæстоны сбадын кодтой. Амалхъом адæймаг йæ хъусынгæнинагы куры, цæмæй гæды ныхæстыл ма æууæндой. Уæ зæрдыл уын æрлæууын кæндзыстæм, Уанеты Вадим у Хуссар Ирытонæй рацæугæ. 15 азы размæ Ростовы сарæзта гогызы дзидзайы куыст кæм кæнынц, ахæм стыр куыстуат. Ис дзы 7 мин куысты бынаты. Уымæй уæлдай ма, ныртæккæ куыстуат æнтысджынæй парахт кæны. Æрæджы та ма Хуссар Ирыстоны байгом кодтой завод.