Хуссар Ирыстон æмæ Гуырдзыстон дарддæр ныхас кæнынц арæнты посты тыххæй, паддзахадон арæнтыл цы уавæ

Хуссар Ирыстон æмæ Гуырдзыстон дарддæр ныхас кæнынц арæнты посты тыххæй, паддзахадон арæнтыл цы уавæр сæвзæрд, ууыл. Абон Знауыры районы гуырдзыйæгтæ æнæзакъонæй арæны пост кæм сæвæрдтой, уым уыд Паддзахадты ‘хсæн быцæутæ иуварс кæныны сæрмагонд æмбырд. Фембæлд сарæзтой Хуссар Ирыстоны хъæппæрисæй. Æрæджы Гуырдзыстон не сразы арæны пост айсын. Хуссарирыстойнæгтæ фæнд кæнынц сæ курдиат æппæтадæмон организацитæм бадæттын. Цæмæй Гуырдзыстоны загъдкъахæн митæм се ргом раздахой. Уæ зæрдыл уын æрлæууын кæндзыстæм дыууæ боны размæ Гуырдзыстон Хуссар Ирыстоны Цънелисы хъæумæ хæстæг аразын райдыдта арæны пост. Ацы хъæуы цæры 49 ирон бинонтæ. Сæрмагонд æмбырды рæстæг Гуырдзыстоны минæварæн загъд æрцыд цæмæй гуырдзыйæгтæ сæ арæзтад ныууадзой æмæ объектæй сæ æфсæддон дæлхайæдты айсой. Фæлæ Гуырдзыстон ацы курдиат ницæмæ æрдардта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv